文章 · AI 新聞
OpenAI 上星期四出咗個 Apple Messages plugin 俾 M…
OpenAI 上星期四出咗個 Apple Messages plugin 俾 Mac 版 ChatGPT：佢可以搵你嘅 iMessage 同 SMS、幫你總結、幫你草擬，經你批准之後仲可以幫你寄出去。免費用戶都有得用。
我睇完冇乜驚訝，因為我部機已經係咁行緊⋯每朝有個 agent 幫我睇晒 email，分好邊啲要我決定、邊啲佢自己處理咗。
真正嚇親我嘅唔係第一日。
係第三日。
第一日你會逐條檢查佢做過乜。第三日你唔會。你開始信佢，然後你就唔會再留意佢睇緊啲咩。呢個轉變快到你自己都察覺唔到⋯而到咗嗰刻，佢已經唔再係一個技術問題。
所以我教班嗰陣，最花時間講嘅唔係點駁工具，係一條界線：
睇 ≠ 寄。
畀佢睇，係方便。畀佢寄，係代表你講嘢。呢兩樣要分開批准，而且「寄」嗰個批准唔應該有「以後唔好再問我」呢個掣。
你可以信一個 agent 信到好深。但嗰份信任要係你揀嘅，唔係習慣返嚟嘅。
你會唔會俾 AI 睇你啲短訊？定係睇得，寄唔得？
