文章 · AI 新聞
Apple 上星期三 email 咗俾音樂發行商
Apple 上星期三 email 咗俾音樂發行商:今年稍後，用 AI 做嘅歌會強制掛上「Made With AI」標籤，而且聽眾睇得到。第一間大串流平台唔再當呢件事係自願申報。
我自己就係會用 AI 執敬拜音樂編排嗰個人。所以我讀完第一個反應唔係「應唔應該標」，而係另一條問題⋯如果冇咗塊標籤，你分唔分得出？
老實講，好多時分唔出。而如果分唔出，塊標籤改變嘅就唔係首歌，係你聽嗰陣個心情。同一段旋律，知道係 AI 編嘅，你會坐直啲、聽仔細啲、然後開始搵破綻。
呢個先係值得諗嘅位:透明度唔係為咗令你聽得準啲，係為咗俾返個選擇你⋯你有權知道自己聽緊咩，即使你根本聽唔出分別。
教 AI 呢兩年我學到嘅一樣嘢:大部分關於 AI 嘅爭論，講到最後都唔係技術問題，係「你想唔想知」嘅問題。
