文章 · 建築規例
喺英國加建一間屋，同香港有幾大分別？
成日有香港朋友問我：英國起個 extension 係咪好簡單？所以我整咗條片，用一間屋，由頭到尾行一次英國嘅 Building Regulations。屋係示範嚟，唔係真地址。
第一樣要知：英國有兩道審批，唔係一道。規劃許可管外觀，同對鄰居嘅影響，好多細加建屬「准許發展」，唔使申請。但 Building Regulations 係另一項審批，管安全同技術。香港呢？改動結構，通常要委任認可人士入則，屋宇署批咗先可以動工。
之後逐部分拆開睇：A 部結構（一條鋼樑）、B 部防火、L 部節能、H 部排水，仲有共用牆法。
B 部嗰段係真實故事。AI 幫我查圖，發現二號睡房唯一嘅窗，正正喺新屋頂上面。最後我揀咗改用受保護樓梯，照顧樓上所有房間。之後再叫 AI 扮建築監管審多次，佢又搵到樓梯底儲物室一個漏洞。
AI 幫我查圖，發現二號睡房唯一嘅窗，正正喺新屋頂上面。
L 部就將幅牆一層一層拆開。新牆 U 值上限係 0.18，我哋喺內側加咗保溫石膏板，由 0.174 改善到 0.144。
去到最尾，業主、主要設計者同主要承建商各自要簽聲明，交俾建築監管。AI 可以幫我畫圖、查錯，但簽名同負責嘅，始終係人。
條片係英文旁白，用我自己把聲（AI 複製），有中英字幕。屋係示範，但每條規則都係真嘅。
英國定香港麻煩啲？留言話我知你點睇。
