文章 · AI 新聞
12.8 分,變 62.7 分
DeepSeek 上個禮拜四正式出咗 V4-Pro。同幾個月前嗰個 preview 比,佢哋公布嘅 agentic coding 跑分由 12.8 跳到 62.7;終端機操作嗰項由 72.1 上到 87.9。呢啲係廠商自己嘅數字,要打個折嚟睇⋯但個方向清楚到唔使拗:呢一浸模型唔係練嚟同你傾偈,係練嚟自己一步一步做完件事。
順帶講埋個收費。由 8 月 17 號起,佢分繁忙同閒時兩種價:北京辦公時段貴一倍,其餘時間半價。即係話,運算力開始好似電費咁賣⋯夜晚開工,平一半。
由 8 月 17 號起,佢分繁忙同閒時兩種價:北京辦公時段貴一倍,其餘時間半價。
我自己每日用 AI agent 做嘢,呢個轉變喺實務上嘅意思係:值錢嗰樣嘢,由「識問」搬去「識驗」。問一條好問題,而家係入場費;睇得出佢做嗰十步入面邊一步歪咗、肯叫佢返轉頭做過,先係難嗰部分。
而學校教緊嘅,大部分仲停留喺點同 AI 傾偈,叫佢幫手寫嘢。
我哋細路將來面對嘅同事,唔會朝九晚五。佢會喺凌晨三點,用半價,做完一晚嘢。
