文章 · AI 新聞
我今朝數過:我部機上面有 46 個 CLAUDE.md
事緣我喺 Instagram 見到一張 Claude Code 專案結構圖,畫得幾靚⋯CLAUDE.md、.mcp.json、.claude/ 入面 settings、rules、commands、skills、agents、hooks,一層一層咁排。啲人 share 得好勁。我望住嗰張圖,第一個感覺唔係「學到嘢」,係「呢張圖係我一年前嗰個階段」。
因為個資料夾樹係最易嗰部分。開幾個 folder,五分鐘搞掂。
真正令部嘢由「一個好用嘅聊天窗」變成「一個幫到手嘅系統」,係三樣圖上面睇唔出嘅嘢。
第一,係冇人打字嗰陣仲會行嘅嘢。我 wire 咗 14 個 hook event⋯開 session、收到 prompt、開工具之前、工具失敗、subagent 完成、任務完成。呢啲唔係我叫佢做嘅,係佢自己觸發。個資料夾樹畫到 hooks/ 呢一格就停,但 hooks 嘅重點唔係個 folder,係「幾時響」。
真正令部嘢由「一個好用嘅聊天窗」變成「一個幫到手嘅系統」,係三樣圖上面睇唔出嘅嘢。
第二,係記憶。我有 292 個 memory 檔,每個只放一件事,自己按相關度走出嚟。冇呢層嘅時候,我每開一個新 session 就要重新解釋一次自己係邊個、做緊乜。
第三,係我做錯咗好耐先明嘅嘢。
我以前以為,CLAUDE.md 寫得越詳細越好。於是佢越寫越長,而家 219 行。結果係:寫得越多,佢跟得越少。唔係佢懶,係一份 219 行嘅嘢入面,每一條規矩都變成同一條規矩,冇邊條特別重要。後尾我改咗做:規矩搬出去,變成一個個 skill,關事嗰陣先自己載入,唔關事就唔佔位。而每一條原則,我都要俾埋一個反例⋯淨係講原則,佢會跟一半。
所以嗰張圖冇錯,只係佢畫嘅係地基。地基唔會自己行嘢。
