文章 · AI × 建築
雪山屋：叫 AI agent 由三張平面圖，做到一份建築雜誌
琴晚試咗一樣嘢：淨係畀三張平面圖同一段 prompt 個 AI agent，睇下佢可以去到幾遠。
第一次用 SketchUp，十幾分鐘就起好間屋。佢識睇圖，仲識得未落手就問我九條問題。但出嚟嘅嘢，老實講係「AI 做到」嘅水平：外牆見到樓板邊，平面冇 line weight、冇尺寸，雪山屋個屋頂竟然冇雪。
所以成個推倒重來，今次用 Revit。我畀佢睇返我 2017 年嘅 chalet 設計，佢先列計劃、問清楚先郁手：木板包過樓板、深出簷、一個大屋頂、玻璃山牆、石基座入坡、煙囪。圖則有軸線、尺寸、傢俬、房間面積，係 model 本身嘅資料，唔係畫上去嘅效果。
圖則有軸線、尺寸、傢俬、房間面積，係 model 本身嘅資料，唔係畫上去嘅效果。
最有意思係 render 嗰段。每張相都要同 Revit model 對過層數同開口，有兩次 AI 喺實牆度畫咗窗出嚟，佢自己捉到，唔肯收貨，重做到啱為止。
最後排成四版雜誌，成個過程全部錄咗落嚟，縮時放晒喺片入面。
我嘅感覺係：AI 唔會取代建築師，但係你要清楚知道「好」係咩標準，佢先做得到出嚟。
你覺得呢間雪山屋點樣？留言話我知你點睇！
在 Facebook 查看原帖 →
同一題目亦有 LinkedIn 版本：AI agent 十五分鐘便能生成一座建築
