文章 · AI × 建築
哩啲圖，根本想像唔到係 AI 畫出嚟！
凌晨一點半,我同 AI 講咗一句:「我瞓喇!你死掂佢!有問題自己解決。」然後我真係去咗瞓。
我要嘅係一套示範用嘅英國 Building Regulations 圖紙:一間虛構嘅屋,加建一個細 extension,用 Revit 畫,水準要跟我俾佢嗰套真實樣板。唔係真項目,純粹試吓。
03:16,第一版 9 張 A1 已經出咗。方案、Revit 模型(現有、拆卸、新建三個 phase)全部佢自己搞掂。1 個鐘 40 分鐘,冇人畫過一條線。
之後佢冇停。獨立嘅 AI QA 逐張審,04:59 出 P02,07:09 出 P03。Revit 死咗兩次,佢自己搵到原因,執好再做。
方案、Revit 模型(現有、拆卸、新建三個 phase)全部佢自己搞掂。
最正嘅係 QA 捉到一個真錯:二號睡房嘅逃生窗,正正喺新屋頂上面。佢自己去查 Approved Document B,改做保護樓梯,重新設計。法規逐條對返官方原文。仲順手出埋幾張效果圖(AI 生成)。
咁係咪 AI 取代人類?
老實講,成套圖做咗 19 個鐘、改咗 9 輪。九成時間係改錯,唔係畫圖,有時改一樣整爛另一樣。我都要出聲幾次:排版要跟樣板、註解長到好似寫論文、要識用 keynote 同門窗 tag。
Checked 同 Approved 兩格,到而家仍然係空白。簽名嘅係我,唔係 AI。
被取代嘅係畫圖,唔係責任。
你肯唔肯用一套建築師瞓緊覺嗰陣畫出嚟嘅圖?留言話我知你點睇。
