6 個鐘前,我部電腦連 Revit 都未裝
6 個鐘後,我手上有一套 12 張嘅設計圖紙。平面、天花、立面、剖面、效果圖、圖紙目錄,有 title block、比例尺、尺寸、hatching、房間標籤。深度大約去到 RIBA Stage 2。
而我自己,今次一條線都冇畫過。老實講,寫緊呢篇嘢,我仲有啲唔實在嘅感覺。
過程係咁:
・裝好 Revit,接上 MCP,等 AI 可以直接操作 Revit
・將十年前嗰間木屋嘅三張平面圖(只係圖片)交俾 Claude,佢自己起牆、開門窗、落樓板、砌屋頂
・另一個 AI 接手做文件:開 view、落 tag 同尺寸、排上圖紙、出門窗同物料表去 Excel、出 PDF
・效果圖用 Revit 嘅 3D view 做底,再交 AI 渲染
・最後叫獨立嘅 AI 審圖,一輪一輪挑錯,改完再挑,做咗 7 輪
最有意思嘅係,同一晚有三件事一齊發生。我本身冇 Revit library,於是 AI 一邊試一邊幫我建:title block、tag、view template。另一邊,我想順便記錄過程做教材,截圖同步留低。最後,我再叫佢將今晚學到嘅嘢寫成 Skills,下次再做,唔使由零開始。
最有意思嘅係,同一晚有三件事一齊發生。
一間屋,換返一套圖、一個 library、一份教材,同一套下次可以再用嘅方法。
我做咗咩?講清楚要咩,睇,揀,然後話「唔啱,再嚟」。
所以我開始想像:將來建築師可以專心只做兩樣嘢。設計,同簽名。
設計,因為一間屋點住、光點入、錢點使,仍然係人嘅判斷。
簽名,因為簽落去嘅係責任。圖出錯,AI 唔會上庭。
作為第一次用 AI 做 Revit,我唔會話佢非常完美。扣除安裝同測試嘅時間,佢真正冇人指導、自己做嘅時間大約 3 個鐘。3 個鐘出到咁樣⋯算好好!而且唔好忘記,佢每做一次都喺度學,下次又係另一個 level。
仲未做好嘅:原本嗰三張平面冇尺寸,AI 要自己按比例推算;屋頂平面仲好簡陋;Building Regs 未處理,每張圖都寫住 Not for construction。7 輪 AI 審圖之後,圖框入面「Checked by」嗰格,係刻意留空俾我自己填。
畫圖嘅時間,終於可以還返俾設計。
(效果圖由 AI 按 Revit 模型渲染,唔係相片。)
同一題目亦有 LinkedIn 版本：由安裝 Revit 到完成一套 12 張的設計圖紙,用了六小時
