琴晚我冇開過 SketchUp
我淨係喺 Telegram 打字,一句一句加要求,Claude Code 就砌咗幅 unitized curtain wall 出嚟。一層 floor to floor、1:5 細部、要見到開得嘅窗同 fixed 同 spandrel、有 fins 有 transom、raised floor 同 drop ceiling、做埋 double skin 連 grille、放個人入去做比例、符合香港建築條例。我加一樣,佢改一次。
最估唔到嘅唔係佢砌得幾快。
係佢讀條文讀出咗兩樣我自己都要諗一陣先記得起嘅嘢。
第一樣:大家成日引用嘅「900mm spandrel」。防火條例 2011 C11.1 白紙黑字寫住,呢條唔適用於有 sprinkler 嘅樓。Grade A office 一定有 sprinkler。即係話 spandrel 幾高根本唔係防火決定,係 raised floor 加樓板加天花 void 決定。真正永遠都要嘅係 C10.2,樓板邊嗰個 void 一定要封到 25 m³/h/m² 以下。
係佢讀條文讀出咗兩樣我自己都要諗一陣先記得起嘅嘢。
第二樣:我本來只係想要個 sectional model,方便睇。點知玻璃結構規範 8.3.1 對安全測試 mock-up 嘅定義,就係「最少兩層高、要有開得嘅窗、最少三個 module 闊、有轉角要包埋」。我想要嗰件嘢,原來就係法例指定嗰件嘢。
佢唔係靠記憶答我。佢係真係將屋宇署啲 PDF 載咗落嚟,抽文字,逐條讀返出處。
講到明個限。250mm 嘅 mullion 深度係我叫佢用 150m 樓高反推嘅初步尺寸,唔係設計,真做要結構工程師計。呢個係研究模型,唔係報批圖。中間佢仲擺錯過樓板,穿咗過轉角立面,係佢自己截圖睇返先發現同改。
第三張圖係佢自己嘅推理紀錄,逐句抄返出嚟,冇執過。我睇到嘅唔止係結果,係佢每一步點解咁做,包括佢自己發現搞錯咗嗰幾句。
我以前以為 AI 喺呢行嘅位置係「幫手畫快啲」。琴晚之後我改咗諗法。佢真正幫到手嗰兩步,係讀規範、同埋將同一個 detail 準確咁重複十次。呢兩樣,本來就唔應該用人手做。
