文章 · AI × 建築
你上一次學識一個新 software，用咗幾耐？
我見到香港好多建築師樓，到而家都仲係用 AutoCAD 畫 2D。唔係唔想轉，係轉唔到。但有咗 AI，建築師嘅工作有六樣嘢會變：
① 軟件：以前人遷就軟件，而家軟件聽人講。
② 設計：以前識軟件嘅人話事，而家有想法嘅人話事。不過，靚唔等於啱。
③ 條例同合約：香港有效嘅 PNAP 有 220 幾份。AI 幫你搵同引用，你負責睇返原文同簽名。
④ 行政：初稿 AI 出，你改，你負責。
⑤ 管公司：數據話你知邊度出事，但睇數據嘅仍然要識睇人。
⑥ 團隊：可以細咗，但責任唔會細。
AI 會唔會取代建築師？我嘅答案係：唔會取代建築師，但會取代建築師以前嘅做法。我自己試緊一個人加幾個 AI agent，做得到嘅有，做錯嘅都有，所以每一份嘢都要我睇過先出。片入面嘅示範全部係 demo 或者虛構 project，每個數字都有出處。
你而家每日嘅工作，有幾多已經係叫 AI 做？如果有咗 AI，你覺得你間公司要幾多人？留言話我知你點睇 👇
