喺半山羅便臣道加一幢 80 米高嘅樓。吹東風同吹南風，個風場係兩回事

・打「Robinson Road」，網頁即刻攞地政總署嘅 5 米地形，同每一幢樓嘅真實高度，砌出一個 600 米見方嘅地盤。
・風向參考規劃署嘅地盤風數據，想試邊個方向由你揀。
・喺平面一點一點咁畫幢樓，轉去 3D，風就喺你部電腦嘅顯示卡即場計，大約一百一十萬格。
・流線翻過山坡，繞過啲樓。同一個角度，東風一轉南風，成個風場跟住變。

我覺得最有用嘅唔係一張靚圖，而係早啲問啱問題：座樓擺喺平台邊個位？向邊？要唔要留條縫俾盛行風過？正式嘅評估通常有咗方案先做，但呢啲決定好早就已經定咗。

先講清楚：
・呢個係教學同早期設計用嘅草圖，網格粗，每格大約 4 至 6 米，窄巷會當咗實心。
・佢唔係空氣流通評估（AVA，TC 1/06）。冇風速比，冇合格唔合格，唔計風荷載，亦未同風洞比對過。

免費、開源（MIT），隨便拎去玩，或者 download 落嚟用你自己嘅 AI Agent 改：
anzonwong.com/hk-wind-sketch/
數據：地政總署、規劃署（DATA.GOV.HK）。

你會攞佢試香港邊個角落？做風環境嘅朋友，你覺得呢類草圖喺邊個設計階段最幫到手？留言話我知你點睇 👇