文章 · AI 新聞
點樣設計一隊 AI agent 幫手入則?
點樣設計一隊 AI agent 幫手入則?邊幾步一定要 AP 拍板?我整咗條十分鐘嘅教學片,放咗上 YouTube:https://www.youtube.com/watch?v=MELVnc_rn4A

入則係一個 loop
入則唔係畫完圖就完。交圖,收 BD 意見信,改圖,再交。屋宇署向立法會提供嘅數字:2022-23 年新建築項目,去到首次批准一般建築圖則平均大約 130 日、大約交兩次(PL083)。所以畫圖只係其中一格,一個 agent 唔夠,要一隊:一個統籌,一個畫圖,幾個專家覆核。
一個 agent + 一份 skill card
每個 agent 跟一份寫低咗嘅做法,我叫佢 skill card,五格:入咩、跟咩規則、出咩、點樣自己查自己、唔決定乜。最重要係最後一格:佢唔決定乜。
數啱都可以錯
作者自己出題自己考,全部捉到。但係覆核另外出題,作者個檢查走甩咗一半有多。自檢唔等於獨立覆核,更唔等於屋宇署批准。
閘口由人拍板
申請修改、簽名、同屋宇署點傾,全部由 AP 決定。片入面每一度閘口都係人拍板,主要係 AP。AI 起草,AP 拍板。
最重要係最後一格:佢唔決定乜。
PDF 定 BIM
而家香港用 BIM 入則仍然係輔助,以圖則為準。屋宇署暫定時間表係 2027 年中強制電子入則、2029 年強制交 BIM,係「暫定」。
乜嘢係真,乜嘢係示範
- 真實錄影:畫圖 agent 喺 2026 年 11 月 1 日真係行過一次,約 95 秒畫晒成套圖
- 真實覆核報告:課程練習入面嘅報告,覆核嘅係較早嘅草稿
- 示範架構:統籌、修改申請、意見信追蹤、法規查詢、表格整理等 agent 仲係設計,未建成
- 項目、地點、編號、日期同 BD 意見信全部係虛構嘅培訓練習,從未遞交屋宇署;法例同作業備考係真嘅,出處喺 YouTube 說明
我唔係認可人士。片入面嘅「AP」係一個角色:決定同簽名嘅人。呢條片係教學示範,唔係法律或專業意見。
入則個 loop 入面,你會最先將邊一步交俾 AI?留言話我知你點睇。